Úrskurður ríkisskattanefndar
Úrskurður rskn. nr. 493/1987
Gjaldár 1986
Lög nr. 75/1981 — 30. gr. 3. mgr.
Húsaleigutekjur – Útleiga íbúðarhúsnæðis – Eignatekjur – Frádráttarheimild – Frádráttarbærni – Húsnæðislán
Kærandi sem ber takmarkaða skattskyldu hér á landi gerir kröfu um að rekstrartap frá fyrra ári vegna útleigu fasteignar 42.814 kr. og afborganir af húsnæðislánum 18.442 kr. verði leyfð til frádráttar húsaleigutekjum.
Kröfugerð ríkisskattstjóra f.h. gjaldkrefjenda, dags. 7. maí 1987, er á þá leið að úrskurður skattstjóra verði staðfestur með vísan til forsendna hans.
Með skírskotun til 3. mgr. 30. gr. laga nr. 75/1981, um tekjuskatt og eignarskatt, er kröfu kæranda synjað.