Úrskurður ríkisskattanefndar

Kærandi fékk íbúð í Reykjavík sem endurgjald fyrir að annast sjúka móður sína í 2½ ár. Skattstjóri færði kæranda til tekna áætlað verðmæti íbúðarinnar eða kr. 900.000,-, sem hann dreifði til skattlagningar á umrædd 2½ ár. Kærandi krafðist að tekjufærsla þessi yrði felld niður, en til vara að verðmæti íbúðarinnar væri miðað við fasteignamatsverð eða kr. 646.750,-.

Ríkisskattanefnd féllst á varakröfu kæranda og var tekjuskattur kæranda lækkaður umrædd ár með tilliti til þess.